مامۆستا و توێژەر

دەربارەی من

من خاوەنی بڕوانامەی ماستەرم لە بواری گەشتیاریدا و لە ئێستادا خوێندکاری دکتۆرام لە پسپۆڕیی بەبازاڕکردنی گەشتیاریدا. بە درێژایی کاروانی ئەکادیمیم، بەشداریم لە چەندین چالاکیی زانستیی گرنگدا کردووە، لەوانە کۆنفرانس، وۆرکشۆپ، خولی ڕاهێنان و سیمیناری تایبەت بە پەرەپێدانی گەشتیاری، ئابووری، و بەبازاڕکردن. هەروەها خاوەنی چەندین توێژینەوەی زانستیی بڵاوکراوە، وتاری ڕۆژنامەوانی، و چاوپێکەوتنی تەلەفزیۆنیم لە بوارەکانی ئابووریی گەشتیاری، ئیکۆتۆریزم، و ستراتیژییەکانی مارکێتینگی گەشتیاریدا. لە ڕووی کاری خۆبەخشی و دامەزراوەییەوە، ئەزموونی هاوکاریم لەگەڵ سەنتەری توێژینەوەی چین لە زانکۆی سلێمانی هەیە؛ و لە ئێستاشدا وەک بەرپرسی بەشی پرۆتۆکۆل و ڕووداوەکان، هاوشان لەگەڵ کارکردنم وەک ئەندامی پەیوەندییە ناوخۆییەکانی دەستەی کوردستان بۆ توێژینەوەی ستراتیژی و توێژینەوەی زانستی خزمەت دەکەم.